A Revira organiza um curso de iniciaçom à normativa reintegracionista
A Associaçom Cultural A Revira organiza um curso de iniciaçom ao galego extenso e útil, à normativa reintegracionista, que visa reforçar a normalizaçom plena do galego por medio da sua inserçom no seu âmbito lingüístico próprio, o lusófono. Como defensores da língua galega, partimos do facto de os galegos e as galegas falarem já português, mas num formato muito castelhanizado, de jeito que a iniciaçom à normativa reintegracionista nom só ajuda à dignificaçom e regeneraçom da nossa língua por meio do abandono das impostas roupagens espanholas, senom também a melhorar a sua qualidade. Por último, entendemos que a iniciativa é necessária ante o interesse manifestado por diferentes sócios e simpatizantes da Revira, já que nas escolas galegas só se ensina a ortografia do castelhano, e esta é a galega adoita padecer um veto sistemático em numerossos âmbitos.
..O curso, com um preço de apenas 3 euros mensais para pessoas associadas e de 5 para as nom-sócias, começará em setembro e durará até a fim do ano. As pessoas interessadas podem engadir-se ao grupo anotando-se no local social ou bem escrevendo a centrosocial@revira.org.
..Para ir "abrindo boca", proponhemos um FAQ do reintegracionismo editado pola associaçom A Gentalha do Pichel (Compostela). Anima-te a participar do curso, descobre as possibilidades da tua língua!
Manifestaçom Antitouradas Em PonteVedra este sábado 31
..A Revira, entre outras organizaçons, convoca-vos para este sábado 31 de Julho às 20:00 na Praza da Peregrina.
...A Tortura Nom é Arte Nem Cultura. Pola Aboliçom das Touradas
...As touradas estám baseadas na tortura, a dor e a crueldade com o touro. Transmitem valores negativos, como o uso injustificado da violência, o desprezo dos direitos dos animais, o gozo com a tortura e o maltrato animal. Segundo a Declaraçom universal dos direitos dos animais, artigo 11: “todo acto que envolver a morte de um animal sem necessidade é um biocídio”.
.As tradiçons devem funcionar como suporte do que nos define e constrói, mas também do que esperamos no futuro. Aquelas que estám sustentadas na violência e no aniquilamento nom fam mais que perpetuar comportamentos que devem ser rejeitados pola sociedade.
...Aliás, para os galegos e as galegas, as touradas nom tenhem nada a ver com a nossa história nem com a nossa cultura, cheia de tradiçons populares que esmorecem e que sim som dignas de recuperaçom.
...AS TOURADAS PAGAMO-LAS TODAS/OS: 564 milhons de euros de ajudas públicas em 2010
...As temporadas taurinas, as escolas e as gadarias som financiadas com dinheiro público que também pagamos as galegas e os galegos, que quem menos interesse temos nas touradas em todo o Estado.
.vSegundo diversos inquéritos, 90% consideramos que a tortura dos animais como divertimento deve ser suprimida, e a imensa maioria da populaçom nunca assistimos nem assistiremos a umha corrida de touros. Por todo isto demandamos:
...1 . O cessamento imediato de ajudas encobertas às touradas por parte de todas as instituiçons públicas, nomeadamente a Deputaçom de Ponte Vedra, principal suporte público na nossa cidade.
..2 . Que o Parlamento da Galiza modifique a Lei 1/1993, de Protecçom de animais domésticos ou selvagens em cativeiro, que exclui no seu artigo 5º as touradas, para que proíba estas actividades.
..3 . O cessamento do uso de espaços públicos para a promoçom das touradas, assim como a supressom nos programas de festas editados pola nossa cámara municipal.
..4 . A declaraçom de Ponte Vedra como “Cidade antitouradas e amiga dos animais”.
..5 . A reconversom da praça de touros num coliseu para espectáculos culturais e concertos.
...Convocantes: PDR , ADEGA, BRIGA, C. Ecoloxista do Salnés, Coordenadora Antitouradas de Pontevedra, CNT , C.S Revira, Galiza Nova, Plataforma Antitouradas de Pontevedra, Nos-Up, Os Chichisos, Protectora “Os Palleiros”, Vaipolorio, Verdegaia.
Revira 
