Movimento Defesa da Língua

Novas Al-Muinheiras
almuinha, associaçom cultural

ACTOS DAS LETRAS DA GALIZA EM MARIM Por primeira vez em Marim, uma jovem associaçom cultural claramente identificada com os desígnios da nosso pais tem encetado uma tarefa humilde mas com clara vontade de continuidade para ver de recuperar a normalidade da nossa cultura no nosso próprio território nacional. A programaçom: 5ª feira (joves) 15 de maio às 20:15 na Biblioteca Municipal: Charla-colóquio: "A situaçom actual da lingua". Intervenhem: Elvira Riveiro Tobío, mestra e licenciada em Filologia galega, é membro das Redes Escarlata. Publicou nos livros colectivos Sempre Mar. Cultura contra a Burla Negra, Os gozos e as sombras. 10+10 novas visións e Das sonorosas cordas. 15 poetas desde Galicia. Obtivo o primeiro prémio no certame Rosalía de Castro de Cornellà (Barcelona) em 2003 e umha mençom especial no Faustino Rey Romero (Rianxo) no 2004. Henrique Egea Lapina é professor de língua no IES Torrente Ballester de Ponte Vedra. Sempre vinculado a associaçons de defesa da língua, foi membro fundador de Ene Agá, Assembleia Reintegracionista de Ponte-Vedra, e actualmente é membro do Movimento de Defesa da Língua (M.D.L.). * Jantar: Lembrade que o praço para anotar-se ao jantar remata o dia da charla. * Sábado 17 de maio a partir das 11:00, I Festa da Lingua. Durante toda a manhá haverá diferentes actuaçons na alameda: Quarteto de Hío (música tradicional ? Cangas), Escola de Música Tradicional O Tear de Lherena (música tradicional ? Ponte Vedra), As Esmorganas (teatro ? Ourense), Codia e Miolo (contacontos ? O Morraço), e amais repartiram-se uns 50 livros viageiros em galego e portugués. A continuaçom, às 14:00 na praça da Veiguinha, terá lugar o Jantar popular, e até o dia 15 hai praço para anotar-se. Vémo-nos lá ! Manifestaçom: Nom à licença medioambiental a Ence-Elnosa !! Apoiamos a manifestaçom convocada pola "Asociación pola Defensa da Ria de Ponte Vedra" para a próxima sexta feira às 20,30 h com saida da Alameda ponte-vedresa. Reproducimos comunicado da APDR ao respeito tirado da sua página web: "IMPORTANTE APOIO SOCIAL Á MANIFESTACIÓN CONTRA "ENCE-ELNOSA" CONVOCADA POLA "APDR". Na Xuntanza de grupos celebrada onte xoves na Galería Sargadelos co obxectivo de recoller apoios á Manifestación contra a concesión das Autorizacións Ambientais a ENCE e ELNOSA e, xa que logo, contra a consolidación do complexo na Ría, a "Asociación Pola Defensa da Ría" ten acadado un importante respaldo social que se veu concretado no apoio de máis de 20 colectivos de Pontevedra e a bisbarra. Na antedita xuntanza, tomaronse os seguintes acordos: 1º.] A Manifestación, que partirá da Ferreiría ás 20:30 h do VENRES 25 DE ABRIL, será convocada pola APDR e apoiada por todos aqueles colectivos (partidos, sindicatos, organizacións veciñais, culturais, ecoloxistas, xuvenís, feministas,....) que o desexen e que confirmen o seu apoio na asociación a través do correo electrónico (apdr@apdr.info) ou telefónico (666 621 438) con anterioridade ao 10 de abril. 2º.] O apoio á convocatoria conleva o apoio económico para os gastos da campaña, fixándose distintas aportacións económicas en función das características do colectivo en cuestión. Na APDR facilitaranse os dados relativos a este particular, e os colectivos deberán realizar o ingreso na conta da APDR (Caixa de Catalunya). O lema da Manifestación quedou fixado do seguinte xeito: "NON Á AUTORIZACIÓN AMBIENTAL A ENCE-ELNOSA" "IMPIDAMOS A CONSOLIDACIÓN DO COMPLEXO NA RÍA" Ainda que poderá sufrir algunha modificación en función da súa concreción. Desde a APDR chamamos a todos os colectivos e aos Concellos da Ría de Pontevedra a sumar o seu apoio á manifestacioón e na defensa do medio ambiente e dunha economía sustentábel para a bisbarra que non é posibel de se consolidar o complexo na nosa Ría." http://www.apdr.info/principal.htm a.c.almuinha@gmail.com Sucesso do Roteiro do Domingo 13 Malia o mal tempo, que restou assistência, perto de 20 pessoas saimos a manhá do passado Domingo dia 13 de Abril da alameda para percorrer o roteiro que tinhamos programado por um entorno precioso desde onde miramos a ria de Ponte Vedra desde o seu nascimento no Leres até a sua fugida para o mar entre os bicos da península do Morraço e Sam Genjo. Haverá que repeti-lo !!! a.c.almuinha@gmail.com Mudança do nome do I.E.S. "Salvador Moreno" Nas últimas semanas abriu-se um debate na nossa vila em relaçom à mudança do nome do Instituto de Ensino Secundário de Marim, que actualmente leva por nome Salvador Moreno. Este debate, motivado pola recente Lei da Memoria Histórica, que obriga a retirar os nomes franquistas das ruas e edificios das nossas cidades e vilas, levou a que já se apresentassem diferentes propostas com respeito ao novo nome deste Instituto marinense. Desde a A.C. Almuinha consideramos que já era hora de que se decidisse dar o paso de eliminar das nossas ruas e edificios os nomes de pessoas vinculadas ao golpe fascista do ano 1936, assim como responsáveis em moitos casos da repressom posterior, e de que sejam substituidos por outros que nom suponham umha ofensa e um insulto, nom só para aquelas pessoas que sofrirom nas suas próprias carnes a repressom do franquismo, senóm para todas aquelas pessoas com um mínimo de convicçons democráticas. Nas últimas semanas esta-se a fazer umha pequena campanha de recolhida de apoios para ponher-lhe ao Instituto o nome do historiador e arqueólogo marinense ?Blanco Freijeiro?. Desde a nossa associaçom consideramos aceitável esta proposta, ao tratar-se de umha pessoa de reconhecido prestigio, que chegou a formar parte de altas instituçons académicas, e que, neste senso, supom um exemplo a seguir para a sociedade. É por isto que desde a nossa associaçom apoiamos a mudança do nome do Instituto, ao tempo que manifestamos o nosso apoio à proposta de ?Blanco Freijeiro? para denominar ao mesmo. a.c.almuinha@gmail.com Domingo 13 Abril: roteiro ! Botamos a andar o próximo domingo com um roteiro com saída desde a Alameda de Marim às 10 horas. Passaremos por Sequelo, A Moreira, Peniças, Sete Espadas para rematar em Cham do Monte. Todas as e os interessadas estades convidados. Saude e Pátria ! a.c.almuinha@gmail.com Tambêm em papel... Mais um dos nossos projectos é o de publicar um boletim em papel que sirva de suporte físico informativo das nossas actividades, para além de acolher artigos sobre a nossa língua, cultura e história, protecçom do nosso meio ambiente, sobre a problemática específica que afecta às mulheres, à mocidade ou aos nossos maiores na Galiza ou ao respeito de qualquer outro aspeito da nossa realidade diante do que nos sintamos especialmente sensíveis. Convidamos ás e aos interessadas que enviem os seus contributos ao respeito, que tambêm poderám ser incluidos neste blogue. Os textos deverám ser redigidos em galego mas é aceite qualquer normativa ortográfica: a "oficial" ou "de mínimos" ou a denominada "reintegracionista". a.c.almuinha@gmail.com