No ano próximo o português matéria de ensino no IES Sam Paio de Tui

O Claustro de Professores e Professoras do IES Sam Paio de Tui, acaba de aprovar a proposta de impartir aulas de Cultura e Língua Portuguesa, como matéria própria do Centro, no segundo ciclo da ESO.

É também de destacar a aprovaçom unánime do Conselho Escolar do Centro, assim como a disposiçom do Departamento de Galego para elaborar um programa com conteúdos, objectivos e avaliaçons para apresentar à Conselharia de Educaçom. Tal apresentaçom deve ter lugar antes do dia 20 de Fevereiro para que a matéria de Português poida ser impartida já no próximo curso académico.

A demanda de ensino de português ve-se acrescentada dia a dia tanto a nível de Escolas Oficiais de Idiomas como de centros escolares. Tam só as instituiçons autonómicas galegas parecem querer ver para outro lado e obviar o que de jeito claro está a demandar a sociedade galega: Umha maior aproximaçom tanto cultural como socio-económica entre a Galiza e Portugal.

Esperamos que passos como o levado a cabo polo IES de Tui servam para demonstrar que se abrimos os olhos nos será impossível nom ver que a língua que partilhamos galegos/as e portugueses/as é útil e extensa.