Após quase oito anos de actividade, o MDL culminou em sábado 28 de Junho, em Compostela, um processo assemblear no que marcárom as bases para começar umha nova etápa na história da organizaçom.

A renovaçom foi muito ampla, depois de modificar os estatutos por unanimidade foi o conjunto do plenário o que aprovou, também unanimente, a única candidatura apresentada ao Conselho, o máximo órgao executivo do MDL.

No renovado Conselho continuam pessoas que já levavam vários anos em postos de responsabilidade ao tempo que introduz membros que entrárom recentemente a raiz do processo de refundaçom que começara em Fevereiro. A composiçom da nova direcçom fica com as seguintes responsabilidades:

Luís Fontenla, Porta-voz
José Ramom Pichel, Responsável de Organizaçom
Teresa Carro Responsável de Finanças e Material
Vitor Meirinho Responsável de Relações com a Lusofonia
David Iglesias Responsável de Propaganda

Desde a renovada direcçom marca-se como principal objectivo a unidade do reintegracionismo de base na Galiza. O MDL pretende continuar a representar, mais activamente ainda, a força normalizadora das pessoas que na Galiza acreditam numha outra forma de recuperaçom linguística.

No fim da Assembleia ressolveu-se apoiar incondicionalmente a Casa Encantada, mostrando a disconformidade com o desalojo realizado contra um local social que mais dumha vez serviu também ao MDL, como a duzias de coletivos mais, como lugar onde poder realizar actividades de lazer e trabalho social num ambiente de liberdade.

Também se ressolveu enviar um saúdo parabenizando à Fundaçom Artábria por realizar mais um ano o Festival da Terra e da Língua, configurando um espaço referente de língua e cultura em Ferrolterra.

O Porta-Voz,
Luís Fontenla

Notícia no Conselho da Cultura Galega:
http://www.culturagalega.org/noticia_arquivo.php?id=3120