Entre as diversas campanhas que neste ano está a desenvolver o MDL, queremos hoje informar da mais novidosa e original.
Como muitas pessoas sabem, o desconhecimento da nossa realidade linguística no resto da Lusofonia é preocupante. Daí que em muitas ocasions nos vejamos envoltos e situaçons quando menos esquisitas, como quando visitant@s portugues@s ou brasileir@s, ao chegarem ao nosso país se dirigem a nós em espanhol, renunciando à possibilidade de se exprimirem na língua comum.
Também é muito frequente observar como em documentos, notícias, mapas, etc... elaborados em Portugal e ou no Brasil, a toponímia da Galiza é tergiversada para umha versom espanhola. É muito frequente escuitar a um brasileiro falar de �Galicia� ou a um lisboeta do �Desportivo de La Corunha�.
O MDL desenhou umha campanha informativa de reclamo e denúncia irónica de esta situaçom dirigida fundamentalmente ao público lusófono que fala da Galiza e dos seus lugares. A primeira fase consiste na criaçom de uns mapas indicativos da incongruência que supom empregar topónimos espanholizados. O MDL pensa que esta divertida chamada de atençom pode ser o primeiro chanço de umha posterior fase de reclamaçom da toponímia correcta em todos os sentidos.
Convidamos-vos a ver este primeiro e original anúncio em oito pantalhas recorrentes clicando directamente
aqui. Esperamos que gostedes.
