|
 A Ciberirmadade da Fala lançou uma campanha de protesto solicitando que deixem de existir subsídios à imprensa em espanhol por utilizarem a língua. Segundo este colectivo esse dinheiro público serve unicamente para comprar a imprensa favorecendo um tratamento de notícias beneficioso para a administraçom. Para além disso referem o caso do Novas da Galiza, excluído destas ajudas por questões de "correcção linguística".
Compram submissom, pagam com a língua  "Após 25 anos subvencionando com importantes somas a fundo perdido a presença do galego na imprensa escrita, evidencia-se que esta linha nom funciona. Resulta suspeito que se mantenham as ajudas através de convénios "bis a bis" difíceis de verificar, sem exigir uns mínimos resultados de quantidade, qualidade, evoluçom percentual e consolidaçom do galego nos meios beneficiários dos dinheiros públicos, que nom se questione a continuidade deste tipo de "tratos" e se suprimam definitivamente umha vez mostrada a sua ineficácia.
(...) o galego segue a ser quantitativamente residual (nom chega ao 8% em media), associado a notícias de 2ª categoria ou restringido a campos específicos como o folclore ou “complementos” do jornal.
Nom se entende o interesse em continuar a dar dinheiro publico as empresas privadas de imprensa escrita, a nom ser que o interesse do governo em manter esta linha nom esteja na língua mas em “atar” certas relaçons de cumplicidade que o assegurem mediaticamente.
Irrita especialmente o facto de que desde nosso governo se tenha que mendigar ou directamente comprar com centos de milhares de euros a presença do galego, rebaixando o orgulho pola nossa cultura até ao nível de mercadejar com ela, enquanto se castiga com a nom concessom de ajudas1 a projectos altruístas e altamente comprometidos com a cultura, e a língua como ponta de lança desta, alegando motivos de "norma".
O galego nom se vende, se nom o querem empregar, que nom o empreguem.
Envia o teu protesto à Secretaria Geral de Comunicaçom, a Secretaria Geral de Política Linguística, aos grupos parlamentares e a os meios de comunicaçom para trocar este despropósito ."
|
