O Movimento Defesa da Língua, organizaçom que trabalha pola dignificaçom do nosso idoma e a conscienciaçom sobre a necessidade de defendê-lo ante as agressons que sofre constantemente por parte das instituçons e organizaçons do nacionalismo espanhol, nom pode ficar passível ante o ataque desproporcionado que está a sofrer a organizaçom basca AEK, que nom é mais que um ataque ao Euskara e a todas aquelas pessoas euskaldunas.

Desde este médio de comunicaçom queremos expressar a nossa solidariedade e apoio nos tempos difíceis que está a atravesar o processo normalizador Euskaldun e denunciar os factos que estám a acontecer em Euskal Herria. AEK tem nestes momentos as suas contas embargadas (que som mais de 200) e correm perigo mais de um centenar de euskategis, assim como mais de 800 mestres que nom pudêrom cobrar o salário mensal e começam a ver-se numha situaçom difícil, todo auspiciado por umha táctica política de asédio, à que nós como galegas e galegos também estamos acostumados, e todo isto sem seguir nenhum processo normal de denúncia ou avisso de embargo nem nada similar.