O Centro Dramático Galego vai apresentar esta Sexta-feira umha obra teatral de Valle Inclán em espanhol, deixando ver a sua rância face ao esquecer-se dum dos princípios polos que foi criado, a defesa e promoçom da língua galega, é dizer, umha agrupaçom que nasceu para representar em galego. Este centro é um dos principais receptores de subsídios que destina a "Xunta" para a normailizaçom linguística, ponendo-nos claros quais som os destinos dos caudais públicos para a defesa do nosso idoma. Até hoje, só se vinham fazendo obras na língua nacional (acastrapada e deturpada), mas eles mesmos nos dizem o que som fechando os ouvidos perante toda umha Galiza que rejeitou este projecto desde o primeiro momento em que surgírom os boatos desta celebraçom.

Valle Inclán, nascido na Galiza já tinha dito que nom queria que as suas obras se representassem em galego. Diante de alguém que explicitamente se declara inimigo dumha cultura da que nasce....... por que dianhos temos nós a obriga de pôr em escea qualquer obra sua, e mais desde um centro de teatro nacional????. Menos mal que a família nunca puxo objecçons a que fosse representada em Portugal.... deve ser que nem conhecem as variedades da nossa língua e do único que nom gostam é da nossa forma de falá-la.

Como galeg@s conscientizados na defesa da língua, sabemos que nem falta faria umha traduçom ao junteiro, pois seria possível a representaçom da obra desde centros de teatros portugueses ou o aproveitamento da sua traduçom, que quase sem variaçons seria válida e desejável para se empregar num centro dramático nosso.

O C.D.G. foi quem de provocar a reacçom unánime de TODOS os sectores nacionais que defendem a nossa cultura, desde os moderados até os mais comprometidos. As aberraçons clamam dia tras diam, partindo desde quem diz representar-nos. Nós nom podemos ficar quedos.

A obra vai ser posta em escea o dia 15 e aguardamos a resposta directa do Povo galego que, de seguro, se vai fazer sentir diante desta agressom que se soma às tantas que tem recebida a língua da Galiza. Cumpre a acçom na defesa dos nossos direitos como galegas e galegos, é precisso que saibamos berrar ante as injustiças dumhas entidades que desde a hipocrisia só buscam aniquilar a nossa identidade. Berremos tod@s junt@s:

C.D.G. Traidores!!! Teatro na Galiza: EM GALEGO!!!