Conferências, concertos, roteiro e convívio dinamizarám as reivindicaçons em prol do idioma; 1 a 12 de Abril em Compostela.
Diversas actividades voltarám e desenvolver-se este ano em Compostela, encaminhadas à defesa do nosso idioma. As V Jornadas da Língua, a celebrardo 1 ao 12 de Abril, estarám este ano organizadas polo Movimento de Defesada Língua (MDL), Rádio Kalimero, Amelga (Associaçom de músicos em língua galega) e o obradoiro ambiental Oureol. Abrirá as jornadas um ciclo de conferências na Galeria Sargadelos (Rua Nova). As charlas serám às 19 horas e as temáticas as seguintes: - Dia 1: Festival de poesia do condado (exposiçom de fotos e apresentaçom dos livros), com a intervençom dum representante da sociedade cultural e desportiva do Condado.
- Dia 2: A língua de signos galega, Nilsom Leite (pedagogo).
- Dia 3: Relaçons galego-portuguesas na raia seca. Os povos promíscuos. Participarám Antom Arias Curto (estudoso da guerrilha antifranquista), Luís Martínez Risco (historiador) e Paula Godinho (antropóloga).
Para os dias 5 e 6 do mesmo mês de Abril hai programado um roteiro eco-lingüístico sob a legenda Passa da Raia!!, que percorrerá a história, natureza e língua da raia seca (Ourense, Trás-Os-Montes), Couto Misto - Barroso - Povos Promíscuos - P. Natural Montezinho. Os telefones de informaçom oferecidos som: Miguel (686 12 84 35) e Tino (637 51 29 98). A inscriçom deve-se realizar na Casa das Crechas antes do 3 de Abril.
A cita com a música será o dia 10, num concerto na sala Nasa no que actuarám Matraca Perversa (Estrada), Lemorai (Timor-Cabo Verde) e Ghamberros (Ordes). O concerto começará às 21:30 horas e os bilhetes podem-se retirar anticipadamente na Casa das Crechas e no local de Amelga (rua Entremuros 12-2º), ao preço de 4 euros.
As Jornadas fecharám-se com um convívio na Almáciga que terá lugar o dia 12 a partir das 12 horas e no que haverá comida vegetariana, malabares, jogos populares, música... Ademais, os dias 31 de Março e 7 de Abril Rádio Kalimero emitirá, desde o 108.0 da FM, programas especiais desde as 21 horas.
|
